المميز في دبي اشياء لن تجدها في السعودية !

المميز في دبي
الاسواق في دبي

المميز في دبي اشياء لن تجدها في السعودية ! تصلني تساؤلات كثيره من زوار الموقع عن اشياء مميزه في دبي وتشجع لزيارة دبي

فبحثت بالموضوع مني شخصياً ومن اشخاص زاروا دبي فحبيت ازودكم بمانعرف عن افضل الاماكن السياحية و افضل المطاعم  و الاسواق  وان شاء الله يفيد الجميع

المميز في دبي

من صديقة الموقع نونو

من افضل فنادق دبي وتبين من جد تعيشين رفاهية دبي ( فندق برج العرب هيلتون ) أو روحي لفنادق مدينة جميرا أووحياة وكمبنسكي

ماقدرتي روحي لواحد من حقات أربع نجوم وهذولي والله ماعرف الا رويال ميراج

_ مولات اذا تبين منظر وديكورات خرافيه ميركاتو وفيه مطاعم بالدور الثاني زي ماك وهارديز وغيره

_تبين مول كبير وفيه انواع المارككات الي تجي ببالك مول ابن بطوطه

وله تقسيمات يعني تبين مطاعم بقسم تونس الخضراء تبين عطور بقسم الهند زياده على كذا في سينما

_ في بعد مول رخيص بس على طريق العين تقول زوجه خالي انه رخيص يعني ماركات ماتتخيلينها ب 1800

و من من صديقة الموقع احلام

دبي مول هو اللي فيه معظم الماركات العالميه و ما تتحصل في السعوديه

إماراتس مول و ابن بطوطه بعد حلوين

و من من صديقة الموقع فاطمه الشامسي

اولا شي : مكان السكن ..
اذا تبغين فندق فخم وحلو .. مالج غير فندق العنوان في دبي
هو قريب من دبي مول يعني هو مكان سكن ومكان تقدرين تشترين فيه .. يعني الفندق يوديج للمول على طول بدون طريقة مواصلات ..
اما اذا بغيتي فنادق ارخص ف بعطيج موقع تروحين تحجزين عن طريقه اي فندق تبغينه ومعاه خريطة الفندق ..

ثاني شي : المولات ( التسوق )
شوفي مثل ماقلتلج قبل دبي مول هو شامل يعني فيه كل الماركات العالميه والعاديه ..
يعني شنط وملابس واكسسوارات ومجوهرات وكل شي يعني مافيه شي بيخطر ببالج الا وبتحصلينه هناك
يعني حتى المكياج بتحصلينه .. وهو اريح مكان لج .. وبما انه عندنا تنزيلات هالفتره يعني بتحصلين شي يعيبج ..

وعندنا بعد سيتي مردف هو مول يديد فاتح من فتره عندنا .. شي كم محل للملابس مب موجودين تقريبا ف دبي مول اللي هو بوقاتي موجود واحد عندنا ف وافي ( اسعارهم غاليه ) بس ستي مردف او اجرب لدبي مول .. تقريبا نفس دبي مول بس مافيه ماركات عالميه ..

وعندنا مول فيستيفال سنتر .. مول هادي بالايام العاديه والتمشيه فيه حلو .. اذا بغيتي اغراض من ايكيا ترى عندهم فرع كبير هناك .. وفي اكسسوارات وفيه ماركة carolina herrera .. وفيه منطقة للالعاب وصح فيه مطاعم برع يعني ترومين تتعشين وانتي تشوفين البحر .. والجو حلو بالليل ..

واذا بغيتي تقليد .. عندنا مول يسمونه التنين او السوق الصيني ( دراقون مول ) موجود بعد ف دبي وفتحوا فرع يديد بامارة عجمان .. بس طبعا اللي ف دبي اكبر واغراضهم تختلف وايد .. اغراضهم رخيصه وبتحصلين عندهم اكسسوارات حلوه وجلابيات واحذيه ( كرم الله الشايفين )

رابع شي : الاماكن السياحية في دبي
يعني شي وايد اماكن ترومين تسيرين لها ..
بما انه الجو حلو عندنا فندق ف دبي اسمه باب الشمس بما انه الجو حلو بيعيبج وايد
وعندنا فندق ياس هذا ف بوظبي .. ومافي شي جريب منه غير عالم فراري ..
وعالم فراري غالي .. لانه عباره عن مكان ايطالي ..
وعندنا فندق ف جميرا اسمه جميرا بيج .. مكان راقي وحلو .. ويكثر فيه الاجانب ..
وشي بعد منطقه اذا بغيتي تشوفين استعراض مواتر يعني عباره عن مان تمشيه ومطاعم وفيه فنادق اذا بغيتي تسكنين ف هذيج المنطقه المكان اسمه The Walk بتشوفين السيارات اشكال والوان .. واذا سكنتي هناك راح تحسين الساعه 3 الفجر هي 6 المغرب لانه الناس يتمون يتمشون فيه ..

من صديقة الموقع الاخت تهاني احمد

دبي كلها حلوووه…

عندك لو حابه مولاات

في دبي مول و فيه أكبر حوض سمك في العالم..

و فيه كيدزينيا نفس اللي في اليابان حلوه للأطفال ترفيهيه تعليميه..

ودخلت عيالي في كدزانيا

هو كبير جدًا و قريب من برج خليفه اطول برج في العالم..

وفي النافورة الراقصه في دبي مول
في كمان الإمارات موول فيه سكي دبي تبع الثلج مره حمآآآآسي ^___^

في ابن بطوطه ..

برج العرب

برج خليفه

اتلنتس..

حديقة الخور..

فيستيفال سنتر..

و فيه كافيه ثلجي اسمه chill out هذا في التايمز سكوير إن شاء الله حأنزل تقرير عنه في مدونتي..

بالنسبه لل مطاعم دبي

في شارع الجي بي آر كللللللللللللللله مطاااااعم قعداته حلووه..

في مطعم ايراني يدبي احبه كثير ..

اسمه مطعم صدف ايراني قديم بس اكله لذيذ كل ما اروح دبي لازم اكل فيه

له فرع في شارع الشيخ زايد وفرع في شارع الرقه

وايضاً مطعم مور في دبي مول

مطعم عش الحمام بالسيتي سنتر خطيررررررلايفوتك

بلانيت هوليود

اكله امريكي عادي بس الديكور حلو كله جو سينما

في مركز وافي

وفي مطعم ايطالي ومطعم لبناني

سوق مدينه السلام يطل على برج العرب روووعه المنظر والجلسات

مطاعم في الممشى The walk جميرا بيتش

منها سارايا التركي اكله لذيذ و قصر الهند و كثير

غير المطاعم في المولات كل مول فيه كثير مطاعم

كاندي لشوس اللي في دبي مول

No Comments

Leave a Reply

Your email address will not be published. Required fields are marked *

الاماكن السياحيه في دبي
سكي دبي تجربة التزلج على الجليد

سكي دبي التزلج على الجليد في دبي محبو رياضة التزلج على الجليد كثيرون ولكن في وطننا العربي نجد مشكلة في ممارسة هذا النوع من الرياضات بسبب الطقس الحار الذي تتميز به معظم الدول العربية سواء في إفريقيا أو آسيا وبالتالي سوف نضطر إلى السفر إلى بلاد أوروبا حيث الطقس البارد …

الاماكن السياحيه في دبي
أفضل المطاعم التركية في دبي

                                                                                                            اذا لم تسمح لك ظروف الحياه لكي تتمتع بـ السياحة في تركيا و تجربة المطاعم التركيه ففي إمارة دبي ، من أي بلدٍ كنت ، ومن أي ثقافة كنت ، يكون شعور الغربة أخف لأنك ببساطة تجد شيئاً من ثقافتك في هذه الإمارة ، التي جمعت العالم ضمن محيط …

الاماكن السياحيه في دبي
السياحة والاقتصاد

السياحة من ابرز واهم مقومات اي دولة و بيئة فهي تعود بالمنافع المادية من جهة ووسيلة لنقل التراث وتبادل الحضارات والميزات بين الامم وفتح افق جديد للبلاد وفي عصرنا الحالي تتطور المنظور العام للسياحة ليتجاوز كل تصور فقدنما الفرع الصغيرللكلمة واصبح غصنا يافعاا يتعدى حدود الحقيبة الصغيرة التي يحملها المسافر …